بعد باجووش ....
حاولت اكتر من مرة امنع نفسى امسح الصور.....
كل ما كنت ابص عليهم احس بفرح كبير اوى وبعده حزن اكبروخوف اكبر واكبر واكبرواسأل نفسى يا ترى هنتلم تانى بعد كدة ؟؟؟!
طب وبعد كدة انا هعمل اية لما ابعد عن الناس دى
والبلد دى
شئ من الخوف مسيطر على نفسى..........
****************************************************************
سألت أمى ماذا كنت تتمنى ان تكونى حين كنت فى مثل سنى
قالت لى كاتبة تعجبت
قالت لى وزيرة او عضو مجلس شعب
تعجبت اكثر لما اعرفه فيها من حب المشى جنب الحيط والبعد عن روح المغامرة
سألتها وايه منعك
ربتت على رأسى وابتسمت
وذهبت الى المطبخ لتعد لى الأفطار.........................
****************************************************************
سألتنى صديقتى العزيزة :ليه دخلت طب؟!
اجبت:كان جواز صالونات
معايا مجموع
وقدامى عرايس كتير اخترت احسنهم من وجهة نظرى
اهل وجمال واخلاق
بعد عمر عشته معها عرفت عيوبها واحببت مزاياها
واحترمتها ورغم كل شئ
بقيت بيننا ذكريات
ولكن السؤال هو:
هل احببتها؟!................................................
************************************************************
عيد ميلاد صديقى العزيز كان اول امس
مرت 6 سنوات صادقت كثيرين وعرفت اكثر منهم
وبقيت انت اقربهم الى نفسى مهما حدث بيننا
كل عام وانت بالف خير..............................................
*************************************************************
اقرأ لأدريس وصنع الله واصلان
واسمع مسار اجبارى ونغم مصرى وفيروز ومنير
واحب مشاهدة خالد صالح
واعشق ابو تريكة
كل منهم يستمتع بما يفعل مهما كان التعب والموقف الذى يعمل فيه تجده يبتسم لما انجزه
اتسائل متى سأمارس الطب
كى استمتع بما اعمل؟؟؟ظ؟!!!!!!!!!!!!!!!!!!!!!!!!..................................
************************************************************
كنت قد عاهد نفسى ألا اتذكرها ....
لكنى ..... للأسف ......تذكرتها...
.................................................................................
نهاية
هناك 6 تعليقات:
احكى عن باجووش يا شريف....سجل ايامك هناك حستمتع وانت بتكتب وحتفرح اكتر لما بعد 10 سنين من دلوقتى
وبعدين انا عاوزة اعرف
وما تزعلش اللى رزقك ايام حلوة فى باجووش قادر يرزقك بايام احلى جاية
وده شعور المرجيحة...انا عارفة ان ترجمتنا للاحساس وتحليلة لصورتة الاولية ما تغيرش من قيمته ....بس اهى محاولة هدوء وتقبل
:
:
:
والدتك والدتك ولا شيماء.....عموما افطار وفى مثل سنى تبقى والدتك و تبقى وراثة ويبقى ماتخافش انت مش حتضطر تحضر الافطار فى يوم من الايام الدور والباقى علينا
:
:
:
انا معقدة من الصالونات وانت عارف
بيعة وشروة يعنى كان بدى اقولك يا زين ما اخترت بس اللى عندك عندى و ربنا يستر لانى مش يا زين ما اخترت ولا حاجة وطلعت انا عريس مش فاهم اى حاجة وبيضحك عليه بالميكاب الاوفر والزن على الودان امر من السحر
:
:
عارف لما حضرنا station انا اكتر حاجة لفتت نظرى الشغف اللى الناس دى بتعزف بيه ادفع نص عمرى و اكتب او اذاكر او اشتغل بنص روحهم
:
:
هى مين؟
بجد لما بتعمليلى كومنت
بحس انى بعمل حاجة ليها قيمة.....
شكراً
بالنسبة لباجوش......
مش عارف ...
اصل الحكاية مش مكان ، الناس هما اللى تاعبنى فكرة فراقهم....
اتمنى اللحظة دى تتأخر جداً
:(
لأ ماما .... ماما....
مش حكاية وراثة ....
دى حكاية مصير
هية ضحت
تفتكرى هنقدر نضحى؟!؟!
لأ هية عروسة حلوة وبنت ناسكمان
بس الواضح ان مش ده بس كفاية
لازم نحبها عشان ننجح فيها
والله يا اسماء انا اصلا ماعجبنيش فيهم حاجات كتييييييييير.....
بس عندك حق
كانوا بيحبو اللى بيعملوه
هى مييييين؟!
ممكن اقولك طبعا بس بينى وبينيك عشان السياح
اسلوب حضرتك في السرد حلو قوي
و المقاطع كلها شدتني
تفتكر ليه ممكن حد يتخلى عن حلمه عشان ولاده مثلاً
مع إن ولادها ممكن يستغنوا برضو عن حلمهم عشان ولادهم
البركة في الرجالة هما اللي هيبنوا الوطن
و في الستات اللي هتربي الرجالة دول
هذا لا يمنع أن تكون هناك نساء تحملن الراية أيضاً
..........
سألت نفسي ليه دخلت طب مع إن موتي و سمي الحفظ
وجاوبتها إني نفسي أطلع جراحة
وبعد ما عاشرتها أكتشفت إن مينفعش البنات يبقوا جراحات إلا لو عندهم واسطة ( جد عندك واسطة على رأي لبتون لاتية) أو تكون هتفرغ كل حياتها للشغل
هههههههههههههه
والله أنا مسخرة
.............
أدام الله ما بينكما من محبة و لا فرق بينكما أبداً
أغبطك
...............
في يوم في شهر في سنة
في يوم من الايام
ولكن السؤال ليس متى سأمارس الطب
السؤال هل ستوفي الطب حقه عندما تمارسه؟؟؟
..........
هكذا هي الاشياء التي نحاول أن ننساها دائماً ما نتذكرها
وننسى دائماً ما نحاول تذكره
(مُقتبسة من خواطر واحدة قريتلها بتاعة و عجبتني اسمها ابهام باين)
...........
سلام عليك
يا شيكو يا ابنى
go on
واحشنى كتير
نعكشة:
ميرسىىىىىىىىىىىىىىىىىىى اوى على الكومنت الجميل
خصوصاً لو من دكتورة فاهمة الدنيا اللى احنا انغرسنا فيها.....
حكاية اننا ممكن نستغنى عن الحلم .... فى رأيى انها مسألة اولويات احنا كنا محظوظين ان اهلنا اتخلوا عن الحلم عشان احنا نكوون....
اما الطب ....
فا انا هديله حقه لو حسيت انوا مدينى حياة اعيشها فيه....
شكرا تانى على الكومنت الذى اسعدنى
وليه مدونتك مقفولة؟
ورجاء اخير .....
يلاش حضرتك دى وبتاع
احسن بحس انى عجووووز اوى
:)
انجى:
ابقى اسألى ....
:(
إرسال تعليق