علم مصر

علم مصر...

أحمر... ابيض ... أسود...

أحمر بلون الدم..

دم الغلابة المعجونين ف الهم..

عايزين ومش طايلين ...

تايهين ومش فاهمين..

ع اللقمة بيدوروا....

لو حتى كانت سم.

ابيض..

ابيض بلون القلوب ..

رغم العذاب والقهر

ابيض بلون الجيوب..

واحنا فوسط الشهر

ابيض بلون العقول..

متغيبة بالأمر.

وأزاى نلوم ع الناس..

والناس هاريها الفقر.

أسود..

أسود بلون الفساد..

مستقبل الأولاد..

أسود بلون الضمير..

اللى باعوه ف مزاد.

علم مصر ..

احمر .. ابيض .. اسود ..