((غريبة ...!!))

يادى النيلة ... يادى النيلة ... هوة انا مش هخلص من العيل الرخم ده ...؟!
كل يوم خناق ، وامه تيجى وتزعق وفى الآخر تطلع على مفيش، طب ما تقعد فى بيتهم احسن وبلاش وجع قلب
محدش طايقه لا عيال ولا مدرسين....
وكله يجى على دماغى .... مش انا الزفته الناظرة ..يالله اشيل بقى ...
والله لولا إن أمه جارتنا وست طيبة كنت ولعت فيه ...
يا ترى جى ليه المرة دى ....؟!
أكيد خناقة جديدة
المشكلة أن كل مة يتنطط على العيال وبعدها ياخد على قفاه ...!!
((ايوة يا ابلة مرفت ... خير!!))
((دول الأوائل على المدرسة يا ابلة ، اللى حضرتك هتكرميهم ))
اكلم مرفت بصوت واطى....
((والزفت ده عمل ايه تانى؟!))
((ده التانى على المدسة ....))
((غريبة...!!))
اديله المسطرة والقلم الهدية قبل الباقيين...
((شاطر ... سلملى على ماما))
ابص لمرفت بعد ما يمشى
((غريبة ...!!))...


الأسكندرية-بوكلى
3/8/2009