كل يوم لما أخروج من البيت بتمشى كل يوم من البيت لحد المكان اللى بركب منه الأتوبيس
وبلاقى الشارع فاضى فأحب أغنى....
ساعات ابدأ بموال لعدوية .... أسلك بيه
حتة كدة .... انا مش عارفنى
وادخل على نغم مصرى ، انغام بقى .....
اهو اللى فيه القسمة بيتقال
لكن دايما ...
ألاقى نفسى ....بدون قصد....
أغنى أديش كان فيه ناس ((فيروز))
وافضل أكرر فى الحتة دى
.......
وانا بيا من الصحو ....
وما حدا نطرنى
ما حدا نطرنى.....
......................................
***************************************
اول بنت كلمتها
هى أول بنت حبيتها
وهى أول بنت قاليتلى
لأ......
-بس هما مش كتيير اوى-
كنت بكتب كل مرة اتكلمنا فيها
كل كلمة قلناها
اعمل لنفسى معدل
اشوف بيه وصلت لفين معاها
.........
من يومين وانا بدعبس فى الدرج لقيت الورقة
حسيت بخوف
مش عشان افتكرتها!
لأ......
عشان لما مسكت الورقة رميتها.....
من غير ما أحس بأى حاجة.....!!!!!
.......................
*******************************************
الأصل فى الأشياء
العودة إلى البدايات.... أو الصور الأبسط
..........
والأصل فى العلاقات...
أن يعتريها الملل مع مرور الوقت
.........
لذا فلم يكن غريباً بعد كل تلك السنين
أن نلتقى فلا يبتسم أحدنا للآخر
............................
*******************************************
بعد 20 سنة لما اقعد مع عيالى .....
ويسألونى انت عملت أيه فى يوم من الأيام
مش عايز تكون اجابتى
عرفت أربيكم.......
وبس........
............................
********************************************
لماذا عندما أحزن .....
أضحك بهستيرية؟!
وعندما يكون من المفترض أن افرح.....
لا أستطيع الضحك؟!
ربما لأن فرحنا.....
مغشوش ......سكة...
...............................
********************************************
من لى بحزف اسمك الشفاف من لغتى
أذاً ستمسى بلا ليلى ...... حكاياتى
كاظم .
............................................
نهاية.
سجاير كتير
قبل 8 أعوام
هناك 6 تعليقات:
حذذذذذذذذذذذذف مش حزف يا دكتور حذف بالذال يا شيكو باشا
حلوة الحاجات بتاعتك دى المقتطفات يعنى وعلى فكرة انا كمان كل يوم بروح اركب الاتوبيس وكل يوم بفكر فى نفس الحاجة فمبلحقش اغنى
اقولك ومتضحكش؟؟؟؟؟
كل يوم بقعد امنع نفسى انى اطلع اجرى لحد الاتوبيس...والله كل يوم خاصة انى مرتاحة مؤخرا يعنى ومبسوطة بفضل طول السكة اقول لنفسى انتى لسة صاحية من النوم .. بطلى هبل..الدنيا ساكتة وهتعملى دوشة متفهمش ازاى يعنى..هيبقى شكلك هبلة..فمبلحقش اغنى اصلا
اقولك حاجة تانية احلى؟؟؟؟ بطلع اجرى بقى لما مديش نفسى الفرصة افكر بس دايما بعمل كدة فى الزحمة فى وسط الناس يعنى انزل من المواصلات واعمل نفسى ببص فى الساعة بانزعاج وهووووووووووب الاقى نفسى باجرى فى الشارع وانا ما وراييش اى حاجة تستدعى الجرى..دايما دة بيحصل بعد الضهر او بالليل وانا مروحة خلاص وماوراييش حاجة تانية..بقيت بعمل كدة كتير على فكرة مؤخرا..
باقى الحاجات بقى..عجبتنى الحتة بتاعة اول بنت قالتلى لأ دى...ضحكتنى..مقصدش والله اى حاجة بس فكرتنى بالاهبل احمد فهمى وهو بيقول نفسى فى واحدة تقولى لا وانا كل ما كنت بشوف الاعلان اقوله اكيد بتدور فى صحرا دة انت لو قلت لقطة بس هتقولك لا...معرفش ليه افتكرت الموضوع دة..ممكن عشان انا شوريييييييرة..
بعد عشرين سنةة لو عندى عيال ومفضلتش سنجل يعنى عندى نفس الحلم مش هعرف حتى اقول ربيتكم كويس..ازاى اربيهم كويس وانا مخلتهومش مبدعين ومختلفين؟؟؟
بالنسبة للملل فى العلاقات..ابصم بالعشرين..
طولت عليك؟؟؟؟ مش مهم
سلام
ياحجة تنورى المكان والمنطقة
......
ده انا اقفل الكومنت الومنتال عشان حضرتك تكتبى براحتك
:)
اول مرة اعدي من هنا ..
كتاباتك حلوة ..حاول تكتر في الكتابة حتبقى حاجة كويسة اوي
تحياتي
د. احمد عامر
د/ احمد عامر
كلماتك أثرت فيا
شكرا جدا واتمنى تعدى من هنا تانى
:)
بيقولوا ان الدنيا صعبة
وان الحل الوحيد قدامنا اننا نحقق اقصى اشباع من اللحظة
يعنى لما تمر الثانية
تمر وانت مش حزين انها طرحت من حساب عمرك
لانك قضيتها باستمتاع باستفادة
وباقول انها ترديد منهجية
وسلملي على المود و المزاج الصباحي
وبما انه بينتهي بفيروز حتى لو كان حزن فهو صباح جميل
تصدق ان شعور الوحدة وان مافيش حد قريب صديق مخلص لمشاعرنا فعلا فى حالات كتير وتحت اى ظرف اسأل حتلاقيها مشكلة جيل
يمكن احنا بنحب اللعبة...او ما اتعلمناش ازاى نوصل فى اى معرفة انسانية لاقصاها
نحقق اعلى القمة ونثبت دايما اقل و ابعد
مش عارفة كاظم ليه محتاج ليلى فى حكاياته دى حكاياته هو مش حكايتها ....
كاظم لازم يتعلم مبدأ انجليزى محفوظ
help yourself
هية حكاياته لو كانت حكاياته لوحده ولنفسه
يبقى هيحكى اصلا ليه؟!!
الوحدة اساس محرك فى حياتنا ....
عشان احنا بعيد عن بعض .....
انسانيا مش مجرد وجوديا....
وعموما
كلنا بنحس بحاجة من اتنين.....
يا اما اغتراب يا اما وحدة...
والأتنين سكة للإكتئاب
وهتلاقيه فى معظم اللى بيكتبوا او حتى اللى بيتكلموا
أسف على الرخامة اللى فى الكلام
:)
إرسال تعليق