على منضدتها المعتادة فى الركن البعيد أخرجت اوراقها البيضاء لترسم عليها بالقلم وردى اللون قلوباً سعيدة ، وورود صغيرة تحاول ان تفتح عيونها للشمس القادمة ، وهمسات خافتة متراصة الى جوار بعضها وكأنها تراتيل حب ....
تمتد يدها الى جبهتها لتعيد خصلة الشعر التى هربت من تحت الإيشارب فيروزى اللون ثم تتركها بإهمال متعمد لتسقط ثانية ، فتبدى دهشة مصطنعة وهى تعيد الكرة ..
وعندما تسمع الصوت الحالم لفيروز وهى تعترف لحبيبها (( بحبك ما بعرف )) وتحكى له عن القمر الذى صار أكبر فوق التلال ، و (( الزغلولة )) التى صارت تأكل اللوز والسكر ، ... تبتسم ...
تبتسم لتتناثر حولها نجمات صغيرة مشرقة ، و ورود بلون البحر فألملمها وأصنع منها عقداً أهديه لها ، تمسك بيدى لتحملنا أجنحة الفراشات إلى أعلى ، فوق قوس قزح فنسمع هناك أنغام أغنية قديمة نرقص عليها طوال الليل ، ثم نجلس فوق السحب بصحبة القمر ننتظر الشمس لتأتى ....
ومع الشمس يأتى يوم جديد ، ومعه أذهب إلى المقهى حيث أراها عبر الوجوه تجلس على المنضدة البعيدة لتخرج أوراقها البيضاء ....
مش عارف كتبتها ليه بس الأغنية بجد بتخلينى أحس بكدة .........
من الآخر لازم تسمعوها .........
هناك 4 تعليقات:
ممممممممممممممم فيروز...بص عموما انا بقالى يومين بسمع فيروز بغباوة هتسألنى يعنى ايه بغباوة هقولك اللى هو تخلص الاغنية وتعيدها تانى بتاع خمس ست مرات.........حلوة بحبك ما بعرف بس عجبنى اوى الايشارب الفيروزى مع انى والله ما عارفة فيروزى دة يبقى شكله عامل ازاى يعنى بس عجبنى اسم اللون اوى..
انت شيكوووووو معلش والله ماخدتش بالى غير لما قلتلى على التعليق النهاردة كنت فاكراك حد تانى رخم بيرخم علية قلت والله ما معبراه ولا رايحة مدونته بس طلعت حد تانى خالص يا دكتور..بعتذر عن سوء الفهم والخلط ودة طبعا راجع لذاكرتى شديدة الجمودية..معندكش فكرة جامدة اد ايه يالهوىىىىىىى يللا مش مهم...
شفتنى النهاردة وانا فاشلة؟؟؟ اجنن وانا فاشلة صح؟؟؟
لا بجد ايه رايك فى فشلى الذريع بتاع النهاردة دة؟؟؟ يللا مش مهم بقى اعيش واخد غيرها..المهم والله انبسطت بالمدونة بتاعتك اوى بجد والصورة اللى عالبوست حلوة اوى بس بما انك بتسمع فيروز بقى ايه رايك فى اغنية بعدك على بالى؟؟
طييييييييييب اهواك بلا امل؟؟ طييييييييب اسمها ايه التانية؟؟ اه افتكرت لا انت حبيبى...بسمع التلات اغنيات دول بقالى تلات ايام بنفس الغباوة التى شرحتها آنفا..
هزورك كتير على فكرة مش هتفلت..
سلام
:)
ماشى هاحملها واسمعها
ويارب تدينى المود الوردى اللى انت بتوصفه ده
:)
واضح ان اللى احلى من الاغنية هو قوة الوصف عندك
تحياتى
مع السلامو عليكو
يا ضاكتور شيكو انت فهمتنى غلط انا مقولتش مش فاكراك يالهوى يانى دة انت الوحيد اللى عارفة اسمك انت واسماء واختها و وسيم وبسسسسسسسسس والله ما كان دة قصدى انا كان قصدى ان بغبائى المعتاد مفهمتش ان دة لينك مدونتك..يعنى فكرت دى مدونة حد تانى لكن الشخص نفسه انا طبعا فاكرا يا فندم والله وكمان كنت هسالك المرة اللى فاتت وصلت المنصورة فى كام ساعة وكمان كنت عايزة اسالك لقيت تاكسى يوديك محرم بك وللا لا ولما وصلت توهت وللا عرفت السكة...كل دى تفاصيل وتقول مش فاكراك؟؟؟؟؟؟ انا بس اللى خلطت بين شخصك وشخص تانى فيما يخص المدونة بسسس والله.............الا قولى صحيح اشتريت الرواية على حسابك زى ما اسماء قالت وللا اييييييييييه؟؟؟؟
هع هع هع هععععععععع
والنعمة موتتنى من الضحك
انا عمالة اتمشى فى مدونتك بقالى يومين وبما ان النت اهبل فكان بيفصل كل سبع ثوانى فكنت بقرا بمعدل بطىء جدا
المهم
قريت كلام حلو اوى وحالم وشفاف وانبهرت باسلوبك وطريقة الوصف
بعد شوية لقيت البوست بتاع الحشيش يالهويييييييييييييييي ضحكت ضحكت بجد والله....لما بتهيس بتبقى عسل اوى يا دكتور والله بجد ضحكتنى اوى اوى
على فكرة انت اغفلت منطقة مهمة لتداول الحشيش فى اسكندرية بس انا مش هقولك عليها احسن تفهمنى صح
هع هع هع...كفك
هكمل لف فى المدونة وارجعلك
لا متخافش مش هلفها فى سيجارتين اصل انا كمان ابويا بيعدى من هنا
سلام يا دكتور
إرسال تعليق